ქეთევან შენგელია 1965 წელს თბილისში დაიბადა. 1987 წელს დაამთავრა თბილისის სახელმწიფო უნივერსიტეტის ფილოლოგიის ფაკულტეტი. გამოცემული აქვს პოეტური კრებულები: ”თოვლივით თეთრი მწუხარება”, ”აკაციის ხეივანი”, ”ცხოვრების სუსხი”, ასევე, ლიტერატურული ნარკვევები და ესეები ”მზისფერი ქუდი”. შენგელია არის რამდენიმე სამწერლო ასოციაციის, გაერთიანებისა და მწერალთა კავშირის წევრი. 1996-1997 წლებში იყო ლიტერატორთა რესპუბლიკური ცენტრის ლიტერატურულ-მხატვრულ გაზეთ ”რუბიკონის” რედკოლეგიის, 2007 წელს კი ქართული სათვისტომოს მიერ ბარსელონაში დაარსებული ქართულ-ესპანური კულტურული ცენტრის წევრი. 2003 წლიდან დღემდე ხელმძღვანელობს თბილისის სახელმწიფო უნივერსიტეტის ”ახალგაზრდა მწერალთა წრეს”(ლიტერატურული სახელოსნო). მუშაობს წმ. ანდრია პირველწოდებულის უნივერსიტეტში. ხელმძღვანელობს ლიტერატურულ შემეცნებით წრეს, კითხულობს ლექციებს.